អ្នក​ជំនាញ ​នៅ​តែ​មាន​សុទិដ្ឋិ​និយម ​ពី​ការ​វិនិយោគ​ផ្សារ​ទំនើប

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
គម្រោង​ផ្សារ​ទំនើប PH Ecomall។ រូបថត សហការី

ទោះ​ជា​ការ​មក​ដល់​នៃ​ផ្សារ​ទំនើប​ធំៗ​ពី​បរទេស​នៅ​ទីក្រុង​ភ្នំពេញ​កើន​កាន់​តែ​ច្រើន​ក្តី ប៉ុន្តែ​ក្រុម​អ្នក​វិនិយោគ​ក្នុង​វិស័យ​នេះ និង​អ្នក​ជំនាញ​នៅ​តៃ​មាន​សុទិដ្ឋិ​និយម ហើយ​ចង់​ឲ្យ​មាន​ផ្សារ​បែប​នេះ​កាន់​តែ​ច្រើន​ថែម​ទៀត​។

អគ្គនាយក​បុរី ​ប៉េង ហួត គ្រុប លោក​ឧកញ៉ា ថៃ ម៉េងលី ដែល​បាន​បោះ​ទុន​វិនិយោគ​ជាង ​២០០ ​លាន​ដុល្លារ សាងសង់​ផ្សារ​ទំនើប PH Eco Mall ស្ថិត​នៅ​តាម​បណ្តោយ​ផ្លូវ​ជាតិ​លេខ ​១ បាន​មាន​ប្រសាសន៍​ឲ្យ​ដឹង​កាល ពី ពេល​ថ្មីៗ​នេះ​ថា ចំនួន​ផ្សារ​ទំនើប​នៅ​ទីក្រុង​ភ្នំពេញ​មិន​ទាន់​មាន​ច្រើន​នោះទេ គឺ​មាន​តែ​ផ្សារ​ទំនើប​អន្តរជាតិ​ ២-៣ ​ដូចជា AEON Mall, MAKRO, Phnom Penh Maga Mall ជាដើម​។

លោក​បន្ត​ថា​ ៖ «​ខ្ញុំ​មិន​បារម្ភ​ពី​ការ ប្រកួត​ប្រជែង​ទេ ព្រោះ​ចំនួន​ផ្សារ​ទំនើប​នៅ​ទីក្រុង​ភ្នំពេញ​មិន​ទាន់​មាន​ច្រើន​នោះ​ទេ ធៀប​នឹង​ប្រទេស​ជិត​ខាង​របស់​យើង​»​។

លោក​បន្ត​ថា៖ «PH Eco Mall នឹង​ផ្តល់​បទពិសោធ​នៃ​ការ​ដើរ​ផ្សារ​មួយ ដែល​មាន​ស្តង់ដារ​អន្តរជាតិ ជា​មួយ​នឹង​ភាព​បៃតង និង​បរិយាកាស​ដ៏​ទាក់ទាញ​ភ្ញៀវ​ទេសចរ​អន្តរជាតិ​នានា​ផង​ដែរ ព្រោះ​យើង​ចង់​ឲ្យ​ពួក​គេ​នឹក​ឃើញ​ផ្សារ​នេះ​ពេល​ពួក​គេ​មក​កម្សាន្ត​នៅ​ក្រុង​ភ្នំពេញ​»​។

ផ្សារ​ទំនើប PH Eco Mall មាន​ទីតាំង​ធំ​ទូលាយ ដែល​សាងសង់​លើ​ផ្ទៃដី​ជិត ៦ ​ហិកតា និង​អាច​ចត​រថយន្ត​បាន​ជិត​ ៣ ០០០ ​គ្រឿង និង​ម៉ូតូ​ជាង ​២ ០០០ ​គ្រឿង​ផង​ដែរ​។ តាម​គម្រោង​ផ្សារ​ទំនើប​នេះ​នឹង​បញ្ចប់​ការ​សាង​សង់ នៅ​ឆ្នាំ​ ២០២១ ខាង​មុខ​នេះ​។​​ ផ្សារ​ទំនើប PH Eco Mall​មាន​ផ្ទៃ​ក្រឡា​សំណង់ ២៦៨,០០០ ​ម៉ែត្រ​ការ៉េ និង​ផ្ទៃ​សម្រាប់​ជួល​ជិត៩​ម៉ឺន​ម៉ែត្រការ៉េ​។

លោក​ឧកញ៉ា ថៃ ម៉េងលី បាន​បន្ត​ថា ជាមួយ​វត្តមាន​ផ្សារ​ទំនើប​នេះ​នឹង​ធ្វើ​ឲ្យ​គម្រោង​ស្តារ​ផ្លា​ទី​នឹម ក្លាយ​ជា​ទីក្រុង​មួយ​មាន​ភាព​ទំនើប​ស៊ី​វិល័យ សម្បូរ​បែប​បន្ថែម​ពី​លើ​សាលារៀន​លំដាប់​អន្តរជាតិ ក្លឹប​កីឡា​ដែល​មាន​ទីលាន​វាយ​កូន​ហ្គោល ក្លិប​បាល់​ទាត់ និង​បាល់​បោះ ដែល​នឹង​បើក​ដំណើរ​ការ​នៅ​ឆ្នាំ​២០១៨​ខាង​មុខ​នេះ​។

យោង​តាម​ការ​សិក្សា​របស់​ក្រុមហ៊ុន CBRE Cambodia បាន​រក​ឃើញ​ថា ចំនួន​ផ្សារ​ទំនើប​ធៀប​ជាមួយ​មនុស្ស​ម្នាក់​នៅ​កម្ពុជា និង​ប្រទេស​ជិត​ខាង គឺ​ចំនួន​ផ្សារ​ទំនើប​នៅ​កម្ពុជា មាន​ទំហំ​តូច​នៅ​ឡើយ​ធៀប​នឹង​មនុស្ស​ម្នាក់​។

ប្រធាន​សមាគម​ទេសចរណ៍​អាស៊ី​ប៉ាស៊ីហ្វិក លោក ធួន ស៊ីណាន បាន​ថ្លែង​ថា ចំនួន​ផ្សារ​ទំនើប​មិន​ទាន់​មាន​ច្រើន​នៅ​កម្ពុជា​នៅ​ឡើយ​ទេ យើង​ចង់​ឲ្យ​មាន​ផ្សារ​ទំនើប​កាន់​តែ​ច្រើន​ថែម​ទៀត ដើម្បី​បំពេញ​ចំណុច​ខ្វះខាត​របស់​យើង​ក្នុង​ការ​ទាក់​ទាញ​ភ្ញៀវ​ទេសចរ​អន្តរជាតិ​នានា​។ លោក​បន្ត​ថា បច្ចុប្បន្ន​ភ្ញៀវ​ទេសចរ​បាន​ទៅ​កាន់​ផ្សារ​ទំនើប​នៅ​ក្រុង​ភ្នំពេញ​ហើយ តែ​មិន​ទាន់​មាន​ចំនួន​ច្រើន​នោះ​ទេ​។

លោក​បន្ត​ថា​ ៖ «​ដើម្បី​ទាក់ទាញ​ភ្ញៀវ​ទេសចរ​អន្តរជាតិ​នានា អ្នក​វិនិយោគ​គួរ​គិត​គូរ​ពី​ការលក់​ផលិតផល​របស់​ខ្មែរ និង​ផលិត​ផល​ល្បីៗ​ពី​បរទេស​ឲ្យ​បាន​ច្រើន​»​។

លោក​បន្ត​ថា​ ៖ «​បច្ចុប្បន្ន​ផ្សារ​ទំនើប​នានា មិន​ទាន់​បំពេញ​បាន​នូវ​មុខ​ទំនិញ​ទាំង​នោះទេ​»​។

ប្រធាន​សមាគម​អ្នក​វាយ​តម្លៃ និង​ភ្នាក់ងារ​អចលនវត្ថុ​កម្ពុជា​លោក គីម ហ៊ាង បាន​ថ្លែង​ថា ការ​មក​ដល់​នៃ​ផ្សារ​ទំនើប​ថ្មីៗ​កាន់​តែ​ច្រើន វា​ជា​ដំណាក់​កាល​វិវឌ្ឍន៍​នៃ​សេដ្ឋកិច្ច​សង្គម ប៉ុន្តែ​អ្នក​ខ្លះ​បារម្ភ​ថា ផ្សារ​ទំនើប​ទាំង​នោះ នឹង​សម្លាប់​ផ្សារ​ប្រពៃណី​ក្នុង​ស្រុក ដូច​ជា​ផ្សារ​ធំ​ថ្មី ផ្សារ​អូរ​ឬ​ស្សី ផ្សារ​កណ្តាល​ជាដើម ប៉ុន្តែ​នេះ​ជា​និន្នាការ​ធម្មតា ដែល​ផ្សារ​ទាំង​នោះ​នៅ​រយៈ​ពេល ៥​ ទៅ ​១០​ ឆ្នាំ​ទៀត នឹង​វិវឌ្ឍន៍​ជា​ផ្សារទំ​នើប​ដោយ​ខ្លួន​ឯង ព្រោះ​នេះ​ជាទី​ផ្សារ​សេរី​។

លោក​បន្ត​ថា​៖ «​ផ្សារ​ទំនើប​ថ្មីៗ​ច្រើន ឬ​មិន​ច្រើន វា​អាស្រ័យ​លើ​អ្នក​វិនិយោគ ខណៈ​តម្រូវ​ការ​នៅ​តែ​មាន ព្រោះ​ខ្ញុំ​គិត​ថា ផ្សារ​ទំនើប​នៅ​ស្រុក​យើង​មិន​ទាន់​ច្រើន​ទេ ធៀប​ជាមួយ​ថៃ​នៅ​ជិតខាង​យើង ដើរ​តែ​ ៣០០ ​ទៅ​ ៥០០​ ម៉ែត្រ គឺ​មាន​ផ្សារ​ទំនើប​មួយ​ហើយ​»​។

លោក​បន្ត​ថា​៖ «​អ្វី​សំខាន់​គឺ​ផ្សារ​នៅ​ប្រទេស​ថៃ មិន​ពឹង​ផ្អែក​តែ​ប្រជាជន​ក្នុង​ស្រុក​ទេ គឺ​ពឹង​ផ្អែក​លើ​ភ្ញៀវទេសចរ និង​អ្នក​ជំនួញ​ក្រៅ​ស្រុក ព្រោះ​បើ​ពឹង​តែ​ប្រជាជន​ក្នុង​ស្រុក ផ្សារ​ទាំង​នោះ​មិន​ទទួល​ជោគជ័យ​ទេ​»​។

នៅ​ពេល​និយាយ​ពី​ភាព​ទាក់ទាញ​នៃ​ផ្សារ​ទំនើប​នៅ​កម្ពុជា លោក គីម ហ៊ាង បាន​លើក​ជា​សំណួរ​ថា តើ​ផ្សារ​យើង​ទាក់ទាញ​ភ្ញៀវ​បរទេស​ឬ​អត់​? តើ​ផ្សារ​ទាំង​នោះ​លក់​ទំនិញ​បរទេស ឬ​ទំនិញ​ក្នុង​ស្រុក​? បើ​ផ្សារ​ទាំង​នោះ​លក់​ទំនិញ​បរទេស​ដូច​តែ​ប្រទេស​របស់​ពួក​គេ​មាន​ដែរ​វា​មិន​ទាក់ទាញ​ភ្ញៀវ​ទេសចរ​ច្រើន​ឡើយ​។ ហេតុ​នេះ​ផ្សារ​ទំនើប​ក្នុង​ស្រុក គួរ​លក់​ផលិតផល​ក្នុង​ស្រុក​ដែល​មាន​គុណភាព​ខ្ពស់ៗ​។

លោក ប៉ែន សុខគា នាយក​ផ្នែក​វាយ​តម្លៃ​នៃ​ក្រុមហ៊ុន​ប៊ុណ្ណា​រៀល​ធី​គ្រុប​បាន​ថ្លែង​ថា ការ​វិនិយោគ​លើ​ផ្សារ​ទំនើប​នៅ​កម្ពុជា​កើន​ឡើង ដោយ​សារ​កម្លាំង​ទិញ​កើន​ឡើង ស្រប​ពេល​សេដ្ឋកិច្ច និង​ប្រាក់​ចំណូល​ប្រជា​ពលរដ្ឋ​កំពុង​កើន​ឡើង ដែល​ធ្វើ​ឲ្យ​កម្លាំង​ទិញ​នៅ​កម្ពុជា​បាន​កើន​ឡើង​ព្រម​គ្នា​ផង​ដែរ ក្នុង​ប៉ុន្មាន​ឆ្នាំ​ចុង​ក្រោយ​នេះ​។

លោក​បន្ត​ថា​៖ «​កំណើន​ប្រជា​ពលរដ្ឋ​ក្នុង​ទីក្រុង និង​ការ​កើន​ឡើង​នូវ​ក្រុម​ប្រជាជន​វណ្ណៈ​កណ្តាល ជា​ផ្នែក​មួយ​យ៉ាង​សំខាន់ ក្នុង​ការ​ទាក់ទាញ​អ្នក​វិនិយោគ​ជាតិ អន្តរជាតិ​នានា​ធ្វើ​ការ​វិនិយោគ​លើ​ផ្សារ​ទំនើប​នៅ​កម្ពុជា​»៕

Source From : Phnom Penh Post

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00
Villa For Sale
Chroy Changva,Russey Keo
USD 355,000.00
Land For Rent
Preaek Aeng,Kean Svay
USD 1,200.00
Land For Sale
Niroth,Meanchey
USD 350,000.00

CVEA MEMBERS