តើគួរទិញដីនៅតំបន់ជាយក្រុងកន្លែងណាដើម្បីទទួលបានចំណេញ

Languages

banner activities

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
លោក គីម ហ៊ាង និង​ អ្នកនាង Grace Rachny Fong

ភ្នំពេញ៖ អ្នកជំនាញនានាបានលើកឡើងថា ការវិនិយោគលើដីធ្លីសុទ្ឋតែទទួ​លបានផលចំណេញ និងប្រឈមនឹងហានិភ័យផងដែរ ហេតុនេះការជ្រើសរើសទីតាំង ដើម្បីវិនិយោគបានផលចំណេញមានសារៈសំខាន់ណាស់។

ប្រធានសមាគមអ្នកវាយតំលៃ និងភ្នាក់ងារអចលនវត្ថុកម្ពុជាលោកបណ្ឌិតគីម ហ៊ាងបានថ្លែងឲ្យដឹងកាលពីពេលថ្មីៗនេះថា លោកគិតថាការវិនិយោគលើដីធ្លីមានការបែងចែកជាដំណាក់កាលខុសៗគ្នា អាស្រ័យលើទំហំទុន និងពេលវេលាសមស្រប ប៉ុន្តែលោកបានផ្តល់យោបល់ថា បើសិនជាអ្នកមានលទ្ឋភាពចង់ទិញដី​សាងសង់ខុនដូ គួរទិញនៅតំបន់ទួលគោក ភ្នំពេញថ្មី សម្រាប់រយៈពេល៥ឆ្នាំក្រោយ។

លោកបន្តថា ប៉ុន្តែប្រសិនជាចង់ទិញដីសាងសង់បុរី លោកគិតថាគួរទិញដីដែលមានចម្ងា​យ៣០គីឡូម៉ែត្រជុំវិញក្រុងភ្នំពេញ និងនៅស្របតាមខ្សែក្រវ៉ាត់ក្រុងទី២ ហើយបើគិតដល់រយៈពេល១០ឆ្នាំក្រោយ ទិញដីស្ថិតនៅចម្ងាយ៤០គី​ឡូម៉ែត្រពីភ្នំពេញគឺពិតជាមិនខុសនោះទេ។

លោក គីម ហ៊ាង បានបន្តថា “តម្លៃដីធ្លីនៅតំបន់ជុំវិញក្រុង នឹងកើនឡើងខ្លាំង ដោយសារកំនើនប្រជាសាស្រ្ត កំណើនសេដ្ឋកិច្ច និងប្រាក់ចំណូលប្រជាពល​រដ្ឋ”។លោកបន្តថា “តាមការព្យាករណ៍បានរកឃើញថា ប្រជាជនក្រុងភ្នំពេញនឹងកើនឡើងដល់៧លាននាក់នៅឆ្នាំ២០៣០ ហើយខ្ញុំយល់ស្រប”។

ប្រធានសមាគមរូបនេះបានបន្តថា បទពិសោធន៍បែបនេះ បានកើតមានរួចហើយ​ នៅប្រទេសម៉ាឡេស៊ី ថៃ វៀតណាម ដែលប្រជាជន ពិសេសយុវជនចូលមកកាន់ទីក្រុងរកការងារធ្វើ និងមកសិក្សា ហើយពួកគេនឹងមិនត្រលប់ទៅវិញនោះទេ។

នាយិកាគ្រប់គ្រងទូទៅនៃក្រុមហ៊ុន Century21 Cambodia អ្នកនាង Grace Rachny Fong បានថ្លែងឲ្យដឹងផងដែរថា ប្រសិនជានិយាយពីឳកាសវិនិយោគវិញ អ្នកមានលទ្ឋភាពគួរទិញដីធ្លីទុកយកចំណេញ ប៉ុន្តែគួររកទីតាំងល្អដោយត្រូវពិនិត្យមើលលើតម្រូវការជំវិញ ការអភិវឌ្ឍន៍ហេដ្ឋារចនាសម្ពន្ឋ គំរោងវិនិយោគលើវិស័យម្ហូបអាហារ និងភេសជ្ជៈនានា ដែលសុទ្ឋតែជាសកម្មភាពអភិវឌ្ឍន៍ធ្វើឲ្យតម្លៃដីឡើងថ្លៃ។

អ្នកនាង Grace Rachny Fongban បន្តថា “អ្នកវិនិយោគគួរសម្លឹងមើលដីនៅតាមបណ្តោយផ្លូវជាតិលេខ១ លេខ២ និងទីតាំងមួយចំនួនទៀត ដែលមានសក្តានុពល”៕

Source From : Property Area

LATEST EXCLUSIVE LISTING

Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00
Villa For Sale
Chroy Changva,Russey Keo
USD 355,000.00
Land For Rent
Preaek Aeng,Kean Svay
USD 1,200.00
Land For Sale
Niroth,Meanchey
USD 350,000.00

CVEA MEMBERS