ខេត្ត​ព្រះសីហនុ​ មិន​ទាន់​មាន​ប្លង់​គោល​អភិវឌ្ឍន៍

Languages

hostgator coupon code 50 off
  • 1a
  • 1b
  • 2a
  • 3a
  • 4a
  • ava 1
  • ava 2
  • ava 4
  • zillennium

  • c21

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
សកម្ម​ភាព​នៃ​ការដ្ឋាន​សាង​សង់​ខុនដូ​មួយ​កន្លែង​ដែល​ស្ថិត​នៅ​ក្នុង​ក្រុង​ព្រះសីហនុ កាល​ពី​សប្តាហ៍​មុន ​។ រូបថត ស៊ីវ ម៉េង

ប្រកប​របរ​លក់​បប​រ និង​បាយ​កញ្ចប់​រយៈពេល​៧​ឆ្នាំ​នៅ​ឆ្នេរ​អូរ​ឈើទាល អ្នកស្រី សុខ គា បាន​ឃើញ​ការ​អភិវឌ្ឍ​ខេត្ត​ព្រះសីហនុ​ដ៏​លឿន​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ នេះ ប៉ុន្តែ​អ្នក​ស្រី​និយាយ​ថា ការ​រីកចម្រើន​ដ៏​ឆាប់​រហ័ស និង​វត្តមាន​ដ៏​ច្រើន​នៃ​ជន​ជាតិ​ចិន​នា​ពេល​នេះ មិន​បាន​ធ្វើ​ឱ្យ​ជីវភាព​គ្រួសារ​របស់​គាត់​ប្រសើរ​នោះ​ទេ។

ការ​រក​ចំណូល​របស់ អ្នក​ស្រី សុខ គា នា​ពេល​នេះ​មិន​សូវ​បាន​ច្រើន​ឡើយ ដោយ​គាត់​អះអាង​ថា សព្វ​ថ្ងៃ នេះ​មាន​ភ្ញៀវ​ទេសចរ និង​អ្នក​វិនិយោគ​ជនជាតិ​ចិន​ជាច្រើន​បាន​មក​ស្នាក់​នៅក្នុង​ក្រុង​ព្រះសីហនុ តែ​ពួកគេ​ទាំងនោះ​ទិញ​តែ​របស់​ក្នុង​ហាង និង​ទិញ​តែ​របស់​ជនជាតិ​ចិន​គ្នា​គេ​តែ​ប៉ុណ្ណោះ​។ ជាង​នេះ​ទៅ​ទៀត​ តាម​ការ​សង្កេត​របស់​អ្នកស្រី​ចំនួន​វត្តមាន​របស់​ភ្ញៀវទេសច​ក្នុង​ស្រុក និង ​អឺរ៉ុប ដែល​ពី​មុន​មក​​តែង​តែ​មក​សម្រាក​លម្ហែ​នៅ​ខេត្ត ​ព្រះសីហនុ​ ក៏មាន​ការ​ធ្លាក់​ចុះ​ផង​ដែរ ដោយ​សារ​តែ​ផ្ទះសំណាក់ និង​សណ្ឋាគារ​ត្រូវ​ជន​ជាតិ​ចិន​ជួល​ស្ទើរ​ទាំង​អស់​។

ទោះបីជា​យ៉ាង​ណា អ្នកស្រី សុខ គា អះអាង​ថា​ ៖ «​ខ្ញុំ​នៅ​តែ​សប្បាយ​ចិត្ត​ពេល​ឃើញ​​វត្តមាន​អគារ​ខ្ពស់ៗ​លេច​ឡើង​ជា​បន្ត​បន្ទាប់ បើ​ទោះ​ដឹងថា​វា​មិន​មែន​ជា​របស់​ខ្មែរ​ក៏ដោយ ព្រោះ​ការ​រីក​ចម្រើន​នេះ​ក៏បាន​ជួយ​បង្កើត​ឱកាស​ការងារ​ជាច្រើន​កន្លែង​ផង​ដែរ​សម្រាប់​ប្រជាជន​ខ្មែរ​»​។

អ្នក​ស្រី​បាន​​បន្តថា ​៖ «​បច្ចុប្បន្ន​អ្វីៗ​ទាំងអស់​នៅ​ទី​នេះ​ស្ទើរតែ​ត្រូវបាន​ជនជាតិ​ចិន​ជា​អ្នក​គ្រប់គ្រង​ទៅហើយ ព្រោះ​ពួក​ចិន​មាន​លុយ​ទិញ និង​សាងសង់​ច្រើន​»​។

ខេត្ត​ព្រះសីហនុ ដែល​មាន​ចម្ងាយ​ ២៣០ ​គីឡូម៉ែត្រ​ពី​រាជធានី​ភ្នំពេញ នា​ពេល​នេះ ​កំពុង​ក្រសោប​យក​ការចាប់​អារម្មណ៍​យ៉ាង​ខ្លាំង​ពី​សំណាក់​វិនិយោគ​ទាំង​ក្នុង​ស្រុក និង​អន្តរជាតិ ពិសេស ​អ្នក​វិនិយោគ​ចិន​ដែល​បាន​ធ្វើ​ឲ្យ​ទីក្រុង​នេះ​ត្រូវ​បាន​គេ​ប្រដូច​ទៅ​ទីក្រុង​ម៉ា​កាវ​ទី ​២ របស់​ចិន​នា​ពេល​អនាគត​។

កញ្ញា Jessica អ្នក​គ្រប់គ្រង​អចលនទ្រព្យ​នៃ​គម្រោង​ខុន​ដូ The Sea Gate Suite ដែល​ជា​គម្រោង​វិនិយោគ​ថ្មី​មួយ​ក្នុង​ចំណោម​គម្រោង​អភិវឌ្ឍន៍​ខុន​ដូ​ជាច្រើន​នៅ​ខេត្ត​ព្រះសីហនុ បាន​និយាយថា ការ​ដែល​​ម្ចាស់​គម្រោង​សម្រេច​ចិត្ត​មក​សាងសង់​ខុនដូ​នៅ​ក្រុង​ព្រះសីហនុ ព្រោះ​តំបន់​នេះ​​នៅ​ជាប់​ឆ្នេរ​សមុទ្រ​ដ៏​ស្រស់​ស្អាត​ដែល​ជាប់​ជា​ឆ្នេរ​ស្រស់​ស្អាត​លំដាប់​ពិភពលោក ហើយ​ទីនេះ​ ក៏​ជា​ខេត្ត​មាន​សក្តានុពល​សេដ្ឋកិច្ច​របស់​កម្ពុជា​ទៀត​ផង​។

កញ្ញា​បាន​បន្ត​ថា ៖ «​ខេត្ត​ព្រះសីហនុ​ជា​ទីតាំង​ដែល​ស្ថិត​ក្នុង​គោល​នយោបាយ​របស់​ចិន​(One Belt One Road)​ដែល​បាន​ដាក់​ចេញ​ក្នុង​ការ​អភិវឌ្ឍ​តំបន់​នេះ​ឲ្យ​រីក​ចម្រើន​»​។​

កញ្ញា​បញ្ជាក់​ថា​៖ «​ក្រុង​ព្រះសីហនុ​មាន​កំពង់​ផែ​អន្តរជាតិ​សម្រាប់​ដឹក​ទំនិញ​ទៅ​កាន់​ប្រទេស​នានា​លើ​ពិភពលោក មាន​ព្រលាន​យន្តហោះ​លំដាប់​អន្តរជាតិ និង​មាន​ហេដ្ឋា​រចនា​សម្ព័ន្ធ​ផ្លូវ​គោក​ដ៏​សម្បូរ​បែ​ក៏​ទាំង​នេះ គឺជា​មូលដ្ឋាន​គ្រឹះ​ដ៏​រឹងមាំ​សម្រាប់​ការ​អភិវឌ្ឍ​»​។

 

Content image - Phnom Penh Post
The Sea Gate Suite ដែល​នឹង​លេច​រូប​រាង​នៅ​ក្នុង​ក្រុង​ព្រះ​សីហនុ ។ រូបថត សហការី

 

ប្រធាន​ក្រុម​ប្រឹក្សាភិបាល​នៃ​ក្រុមហ៊ុន Huttons CPL លោក​ឧកញ៉ា ចេង ខេង ដែល​បាន​ដឹក​នាំ​សមាជិក​របស់​សមាគម​អ្នក​វាយ​តម្លៃ និង​ភ្នាក់ងារ​អចលនវត្ថុ​កម្ពុជា ទៅ​ទស្សនកិច្ច​នៅ​ខេត្ត​ព្រះសីហនុ កាលពី​ចុង​សប្តាហ៍​មុន​បាន​ប្រាប់​ឲ្យ​ដឹង​ថា ក្រុង​ព្រះសីហនុ​នាពេល​បច្ចុប្បន្ន​មាន​សក្តានុពល​ផ្នែក​សេដ្ឋកិច្ច និង​ការ​រីក​ម្រើន​យ៉ាង​ឆាប់រហ័ស​។ ការ​រីក​ចម្រើន​ដ៏​ឆាប់​រហ័ស​នេះ ដោយ​សារ​តែ​មាន​អ្នក​វិនិយោគ​បរទេស​ជាច្រើន បាន​ចាប់​អារម្មណ៍​មក​វិនិយោគ​ក្នុង​ទីក្រុង​នេះ ស្រប​ពេល​ដែល​ចំនួន​ភ្ញៀវ​ទេសចរ​កើន​ឡើង​ជា​រៀង​រាល់​ឆ្នាំ​។

លោក​ឧកញ៉ា​ ចេង ខេង បាន​ថ្លែង​ថា​ ​៖ «​ការ​រីកចម្រើន​ដ៏​ឆាប់​រហ័ស​របស់​ក្រុង​ព្រះសីហនុ ដោយ​សារ​តែ​មាន​ក្រុមហ៊ុន​វិនិយោគ​មកពី​ប្រទេស​ចិន​ជាច្រើន​បាន​ចាប់​អារម្មណ៍​វិនិយោគ​លើ​វិស័យ​ដីធ្លី និង​ការ​អភិវឌ្ឍ​គម្រោង​ធំៗ​ដូចជា​ខុនដូ​សណ្ឋាគារ និង​កាស៊ីណូ ព្រម​ទាំង​សំណង់​អគារ​ផ្សេងៗ​ជាច្រើន​ទៀត​»​។

លោក​ឧកញ៉ា​បន្ត​ថា​៖ «នា​រយៈ​ពេល ​៥ ​ទៅ ​​១០ ​ឆ្នាំ​ខាង​មុខ​​ក្រុង​ព្រះ​សីហនុ​នឹង​​ក្លាយ​ទៅ​ជា​តំបន់​រីក​ចម្រើន​ដូច​ទីក្រុង​ម៉ាកាវ​នៃ​ប្រទេស​ចិន ប្រសិន​បើ​សកម្មភាព​នៃ​ការ​សាងសង់​មិន​ត្រូវ​បាន​រារាំង​នោះ​ទេ»​។

បើ​តាម​ប្រភព​មួយ​បាន​អះអាង​ថា បច្ចុប្បន្ន​ដី​នៅ​តំបន់​ពាណិជ្ជកម្ម​ក្នុង​ក្រុង​ព្រះសីហនុ អាច​មាន​តម្លៃ​ចន្លោះ​ពី​៨០០​​ទៅ​​ ១២០០​​ដុល្លារ​ក្នុង​១​ម៉ែត្រ​ការ៉េ ខណៈ​ដី​លំនៅឋាន​ក្នុង​ក្រុង​មាន​តម្លៃ​ចន្លោះ​ពី​១០០​​ទៅ​៣០០​ដុល្លារ​។

ជាមួយ​នឹង​កំណើន​នៃ​ការ​វិនិយោគ​របស់​ជន​ជាតិ​ចិន មាន​បញ្ហា​ជាច្រើន​ដែល​តម្រូវ​ឲ្យ​អាជ្ញាធរ​ខេត្ត​ត្រូវ​ដោះស្រាយ​ដែល​មាន​ដូចជា​ហេដ្ឋា​រចនា​សម្ព័ន្ធ បញ្ហា​បរិស្ថាន និង​សន្តិសុខ​សណ្តាប់​ធ្នាប់​នានា​។

នៅ​ពេល​លើក​ឡើង​ពី​ប្លង់គោល​នៃ​ការ​អភិវឌ្ឍ និង​បែង​ចែក​ជា​តំបន់​លំនៅឋាន ឬ​តំបន់​ពាណិជ្ជកម្ម អភិបាល​ខេត្ត​ព្រះសីហនុ លោក យន្ត មីន មាន​ប្រសាសន៍​ថា បច្ចុប្បន្ន​អាជ្ញាធរ​ខេត្ត​បាន​ផ្តល់​ការ​ណែនាំ​ខ្លះៗ​ផងដែរ​ពី​តំបន់​អភិវឌ្ឍន៍​គួរ​រៀបចំ​បែប​ណា? ប៉ុន្តែ​យើង​ក៏​ជួប​ការ​លំបាក​ផង​ដែរ​ដោយ​សារ​ខេត្ត​មិន​ទាន់​មាន​ប្លង់គោល​សម្រាប់​អភិវឌ្ឍន៍​។

លោក​បន្តថា ប្លង់​គោល​កំពុង​រៀបចំ​ដោយ​ក្រសួង​រៀបចំ​ដែនដី នគរូបនីយកម្ម និង​សំណង់ ដែល​រំពឹងថា​នឹង​បញ្ចប់​នៅ​ចុង​ឆ្នាំ​ ២០១៨ នេះ​។

លោក​មាន​ប្រសាសន៍​ថា ​៖ «​ជាមួយ​នឹង​កំណើន​ភ្ញៀវ​ទេសចរ និង​អ្នក​វិនិយោគ ខេត្ត​ក៏​ប្រឈម​មុខ​នឹង​បញ្ហា​លំបាក​ផងដែរ​ទាក់ទង​នឹង​ហេដ្ឋា​រចនា​សម្ព័ន្ធ និង​បរិស្ថាន​ដោយ​យើង​បាន​ណែនាំ​ឲ្យ​ប្រជា​ពលរដ្ឋ​ធ្វើ​អាង​ចម្រោះ​ទឹក​មុន​ពេល​បង្ហូរ​ទឹក​កខ្វក់​ចូល​សមុទ្រ​»​។

លោក​បន្ត​ថា​ ៖ «​ឥឡូវ​យើង​ណែនាំ​បន្តិច​ទៀត​បើ​ពួក​គេ​មិន​អនុវត្ត ​យើង​នឹង​ចាប់បង្ខំ​ឲ្យ​អនុវត្ត ព្រោះ​មិន​អាច​ឲ្យ​ពួកគេ​បង្ហូរ​ទឹក​សម្អុយ​ចូល​ក្នុង​សមុទ្រ​បានទេ​»​។

យោង​តាម​ការ​សិក្សា​របស់​ក្រុមហ៊ុន Vtrust Appraisal Co., Ltd បាន​រក​ឃើញ​ថា បច្ចុប្បន្ន​មាន​បន្ទប់​ស្នាក់​នៅ​ (ខុនដូ​) សរុប​ជាង​ ៤ ៦០០ ​យូនីត​ដែល​បាន​និង​កំពុង​សាងសង់​នៅ​ក្រុង​ព្រះសីហនុ​។

អ្នក​នាង អាន សុធីតា នាយិកា​ប្រចាំ​ប្រទេស​នៃ​ក្រុមហ៊ុន CBRE Cambodia បាន​និយាយ​ថា ដោយ​សារ​កំណើន​នៃ​ការ​វិនិយោគ​កាន់​តែ​ច្រើន​នៅ​ខេត្ត​ព្រះសីហនុ​បាន​ធ្វើ​ឲ្យ​ទីផ្សារ​ខុន​ដូ​នៅ​ខេត្ត​នេះ​មាន​សញ្ញា​វិជ្ជមាន និង​មាន​តម្រូវ​ការ​ច្រើន ខណៈ​ខុន​ដូ​ភាគ​ច្រើន​កំពុង​ស្ថិត​ក្នុង​ដំណាក់កាល​សាងសង់​។

អ្នក​នាង​បន្តថា ​៖ «​ទីផ្សារ​អចលន​ទ្រព្យ​នៅ​​ខេត្ត​ព្រះសីហនុ​កំពុង​មាន​សញ្ញា​វិជ្ជមាន និង​មាន​សក្តានុពល​សម្រាប់​ការ​វិនិយោគ​ខុនដូ​នានា​»​។

បច្ចុប្បន្ន​មាន​គម្រោង​ខុនដូ​ជាច្រើន​បាន​និង​កំពុង​សាងសង់​នៅ​ខេត្ត​ជាប់​មាត់​សមុទ្រ​មួយ​នេះ​ដូចជា គម្រោង Blue Bay, D’Seaview, Sunshine Bay គម្រោង The Price Plaza ជាដើម​៕

Source From : Phnom Penh Post

 

Latest News

LATEST EXCLUSIVE LISTING

Flat House For Sale
Phnom Penh Thmei,Sen Sok
USD 159,000.00
Flat House For Sale
Boeng Trabek,Chamkarmon
USD 830,000.00
Flat House For Sale
Prek Pra,Meanchey
USD 170,000.00
Villa For Sale
Phnom Penh Thmei,Sen Sok
USD 310,000.00
Villa For Sale
Chroy Changva,Russey Keo
USD 255,000.00

CVEA MEMBERS